Nehdi e Moɗmoɗtindiral Aduna: Holi nehdi potɗen nehde sukaaɓe men hannde

Won e yimɓe heewɓe ina tuuma (Mondialisation) jogaade mbaydi jiimgol e waawnude jehre e nder nguurndam neɗɗo fof gila e Faggudu; Renndo; Dawrugol; Pinal; Nehdi ekn::
Jeewte ko fayti e Moɗmoɗtindiral Aduna wonaa huunde hesere e nder Afrik. sabu gila e laamu tuubakooɓe Orop. fayndaare maɓɓe mawnde woɗnoo ko naatnude Afrik e nder Jehre Mawnde sabu leyɗeele tokoose ɗi mbaawaa ɗi mbaawaa yaltinde saka kuutoroo; hay sinno Moɗmoɗtindiral jayi tan ko e kitaale 2000: kono haa jooni miijiyankooɓe kawraani tawo e firo helmere nde; ko ɓuri heewde e yimɓe kuutortoo ko Eɓɓooji Moɗmoɗtondiral; Ɗiin dawruɗi mbaɗtinii no feewi e Nehi e nder leyɗeele Afrik; En njiyi nih won e leyɗeele mawɗe keewɗe ko nanndi e Farayse jaɓii Moɗmoɗtondiral kono wiyi loppet to bannge pinal. Ɗuum firti ko jaɓi kala geɗe paytuɗe e nguurndam neɗɗo yoo naatne e nder jehre mawnde haa heddi pinal.Ɗuum ko yiɗde reende pinal mum e ɗemŋal mum hoto yoolaade e pine walla ɗemngal mum e ɗemɗe goɗɗe. Waɗi noon hannde sabu ko Dowlaaji Denduɗi Amrik ɓuri yahrude yeeso to bannge faggudu e ganndal e nehdi to ko ɗemngal Egele woni ɗemngal ɓurngal waawde huutoreede e nder winndere he waɗi noon ko kañum ɓuri waawde huutoreede to bannge ganndal hande. Hannde kala ganndal walla eɓɓooji ko fayti e Nehdi; Faggudu; Cellal ekn.....adotoo yaltude ko e ɗemngal Engele hade mum waɗteede e e ɗemɗe goɗɗeɗe.

E nder yeewtere men maa winndande maa en ƴeew holi darnde geɗe garooje ɗe e nder Eɓɓooji Moɗmoɗtondiral
+ Batuuji mooɓondiral adunayankooji
+ Balle leyɗeele mawɗe e baylagol dawruɗi renndo

Mawnugol dawruɗi nehdi e nder leyɗeele Afrik yowitii ko pottite 2 ɗe Afriknaaɓembaɗdi e leƴƴi goɗɗi.. Ko adii fof naatgol walla njiymaandi Aarabeeɓe Islaamiyankooje e caggal ɗuum njiymaandi tuubakooɓe Orop. Jahrugol janŋde yeeso yowitii ko e pottite 2 gaddanɗe janŋde nde jibineede. Juɓɓingol doge walla tolnooji janŋde; loowdi janŋde; cuɓagol demnŋal janŋinirteengal fof yowitii ko ngool daartol. So en ƴeewii hannde e nder leyɗeele Afrik; won heen ina njogii mbaydi nehdi cowiindi; mbaydi Tuubakiri e Arab Islaam;

Dawruɗi nehdi walla janŋde hannde ɗi fof ngalaa heen kesol; kannji fof ɗi njowitii ko e;
1) Pottital e leƴƴi goɗɗi
2) Baawnugol
3) Kaaldigal
4) Kaaldigal
5) jeytugol

E ko fayi arde maa en mbinndu ko fayti e batuuji mawɗi adunayankeeji ngam sosde ballondiral ko fayti e Nehdi;