So en ƴeewi ko haɗi leyɗeele Afrik haa teeŋti noon e leyɗeele keedɗe bannge worgo Sahara yahrude yeeso haa tenngti noon e waasde nguura; maa en taw won heen saabii ɗum ko geɗe gonɗe e nder leyɗeele ɗe e koye mumen; won heen ko geɗe jowitiiɗe e leyɗeele mawɗe ɗe:
Ina jeya e geɗe jowitiiɗe e leyɗeele Afrik ɗe e koye mumen
1) Sato; jerɓugol leydi; waameeji; yooro duumiingo ina jeya e ko haɗi leyɗeele ɗe dande ko naami: so en ƴeewi ndema saabiima ndema waasde wooded walla ustaade no feewi; kadi ...borjinii ngaynaaka; wari jawdi ndariindi
2) Baasal; e nder leyɗeele tokoose remooɗe ina ndonka hay aawdi ngam remde so toɓi; walla hay so ndanii aawdi ndonka naamde haa mbaawa gollaade; walla nih so ndemi naama gila gawri ndi suwaa ɓenndude; walla so conii mbooynoo gawri mumen; hay wayluɓe; walla awooɓe; walla ɗatooɓe ina ndonka kaɓirɗe gollorɗe; won e yimɓe ngalaa nih leydi hay so njiɗii remde; won heen ngalaa nih hay ndiyam ngam so njiɗi waɗde mballaaji; ngalaa kadi ,humpito ngam dambude ndiyam toɓo haa mbaawa huutoraade ɗam; won heen leyɗeele ɗe e koye mumen ina kepta leyɗeele janane ngam tottude ɗumen joom kopporeeje en; won heen leyɗeele mballataa demiroowo jalel
3) Hareeji; hareeji kadi so mbaɗi; hay gooto woƴetaake remde; gooto fof ƴeewata ko daɗndude fiɗtaandu mum
4) Hiisde e sato haa fakita;remde tawa alaa humpito; feƴƴere ɓurtunde; durngol ɓurtungol
5) ko heewi e ko remetee e leyɗeele tokoose ɗe naametaake e majje; gerte; kafe; kakkawo;bukki ekn nawetee ko caggal leydi
6) leyɗeele tokoose ko ko ɗeɗɗaa; ala e sago ɗe namloo ngam waawde yilde laamuuji maɓɓe; namaale ɗe kadi ina fawnee ko heewi; kala kadi ngaluuji jeeyaade caggal leydi keedtata ko e yoɓde namaale ɗe
7) laammuuji bonɗi; namaale paweteeɗe e keeceeje waasɓe ɗe kadi korirtaake no poti horireede nih; ɗe mbonnee walla ardiiɓe ɓe kuutorooɗe ngam alɗude
Geɗe keddiiɗe ɗe njowitii ko e leyɗeele mawɗe ɗe; maa en ngaroy heen e binndanɗe men garoyooje
Aucun commentaire:
Enregistrer un commentaire