Jime 1989

Janngu hannde ma

Mbittaa hanki ma

Vamtaa gannde renndo ma

Njizaa lenol ma

Cooydinaa anve ma

Wiynoove ina puuntu ma

Haa majjina renndo hanki ma

Aduna wayliima, waylu ngonka ma

Nganndaa no mbaylirdaa, renndo hannde ma

Hoto wiy a janngataa zemze anve ma

Sabu heewii nde anve ma

Njanngi zemngal ma

Nganndi sirluuji ma

Kuutorii gannde ma

Fin e zoyngol ma

Ummo e joznde ma

Vamtaa renndo ma

Heewi to mbelsindizaa zemngal ma

Gannde ma majji ngartataa e reendo ma

===============================================

Aarabel arii fuuntii

Tuubakel arii hoomtii

baangel arii kadi heelnii

Maaje tati catiima nduungel

Mbaddii ngarmi nagraa e maggel

Wooto heen fof ina wiya ngel

Ko kanum vuri bonde bempexxe e maggel

Fuunti, mojobere e doole kon kuutorii

Renndo fuuyi, majji, nuskinaa haa bomorii

Kono fuuyre, majjere e nuskeende ko nabbuuli zi safaara mum en woodii

So hatanteeze e alzuve e annduve e renndiyannkoove e dawriyankoove zowii

Renndo ndii leydi e ndee duunde tampunde, renndo fina, yena, jeytoo ko yaawii

So renndo woni havvere wootere

Foola gano tawa timmaani lexxande

Mawve men ngostaama

Sukaave men nenngaama

Aadaaji vooyzi njoolaama

Jikkuuji puuyzi ndonaama

Fuuta e Fuutankoove majjinaama

Fotnoo addude njelaari ko joote

Ko no hannde en ngoni yelotoove

Aadaaji janani tawa en mbaasaani

Holto Tummbur Juuk, Tukuru Mukooru

Buri lannga, Kool walla Kormel

Cer, tawtawel, soo yiiri yaara

Buggal, Toogel, Fuku Koyngel

Heero Gummboo, Basi Baralli, Taato Moromoro

Wanngo, Baaba Sammba, Guri Baali

Zum kay ina yoozi so reenaama

Mawve ngontii maccuve zii cuuzi

Sukaave ngontii maccuve o bozeejo

Garzo ustude mo araani veydude

Mi woyii en e nduu adunaaru

Nguu ngabbiigu caztungu ngu

Heptetaake, ruttetaake, fooftetaake

Neenal men ko ngalu, fotaani welsindeede

Kinze, mecce ceerndii vee jiiduve

Gooto heen fof ina fiytoo beccee

Nelaazo joomiraazo renndinii aarabeeve

Ferii laawol Islaam ngam reende zemngal e pinal mavve

Wazaa e deftere wiyaa "Guraana" toowzo

Zemngal woni vasnde renndo

Vaso-zen haa mahozen e zemngal men

Mbaasen sozaade e zemze e pine janane

Njanngen zemze janane tawa ko e miijo naftoraade wonaa yoolaade

Aduna o ko hare pine e zemve, faggudu fawoo

Gooto fof doganta ko yo pinal mum e zemngal mum ardoo

Pinal mum yahra yeeso wazta yeeveede, soodoo

So nezzo yizi vurde yoo salo vureede

Faawru men ko heewndu cammeeje

So ndu reenaaka ze cokketaake

So ze cokkaaka ze xaaretaake

So ze xaaraaka guufi ceerndetaake

So guufi ceerndaaka ze cottetaake

So ze cottaaka ze saano ittetaake

So saano ittaaka cengle naametaake

Nokkuzo fof ko e hunuko mum fayrata

Yizande hoore mum wonaa anande bannde mo njiyata

Ndiyam vuri hoyde e xiixam

Xiixam vuri teddude e ndiyam

Vuraazo xeewata ko fotde e vurzo

Potaazo xeewata ko vurtaade potzo

Ko noon filnitaare ardata e renndooji

Payzo to wozzi ina foti hebbinde njoovaari

Ho horiima , tammpi ina jogi ndesaari

Laawol so nanngii , hebbin njogitaari

Hay gooto yizaa hepteede, heedde caggal, foteede, vureede so ronkaani

Potal gila dawaa dawi woodaani

Geno tagi winndere kono fotndaani

Kono loowi hakkille e ngaadi

Nezzo kala jibinaa ko e ndimaagu

Kono renndo jaanndii wazti heen maccuve

Fuunti, majjere, baasal e ndoolndoolaagu

Njooli ndimaagu njibidinaangu

Holko ngonzaa saka aza foozanoo dande maccuve

Ko a Geno walla aza waawi dazndude

Rutto xeewtozaa darnde ma

Paama mahdi ma alaa ngooroondi

Golle bonze mvazzaa ngol lenol

Jogorze addude njanngu ma

Reento oozo nezzo mo a seeraani e hoynude

Jogorzo suynude mette mum

Geno tagiima, tagiimo

Ko tagi aza yoola goodal makko

Siftor kala bonande mbaawzaa wazde

Maa naam vesnooje mayre

Nande oozo nezzo waklitii

Munal mum joofii

Nalawma nimsa jolanma

Dartin bonande gila jenngaani

Hay so a dartini anndu taxii fivotaako

Maayde ina rimzi e nder ngaska

vuri wuurde e nder maccunngaagu

Mi woyii hoore am sabu yimve am ngostaama

Nana lummboo e maayo majjere tawa majjaani

Wozve, hay yimve am mbiyii kam mi waawaa

Rewireede Geno sabu mi laavaani

Mooftude gannde renndo wuuraango hannde

Mi naantinooma e renndooji jawtuzi pazzumi

Kono hannde voorniimi ko wuteyel ceekingel

Tubayal borsangal, kaalayal baartanngal

Hannde mi wontii baaye

Tawa baaba am maayaani, wirnaaki, mogginaaki, zaanaaki

Yimve am ina poozanoo neesu renndooji gozzi

Ngoppimi e karawal joorngal hay puzel woodaani

Haaniino yimve am ngoodaani hami wooda

Sabu haa hannde won e mavve ve kevtinaani nafoore am

Wonde zemze gozze alaa ko vurimi waawde

Kamve pewjunoomi, jooni ko miin zowatave

Ko miin jaggitii e mavve no zaccere e lekki

Eve vooda no valewu e beelel jeeri

Hannde munal am ko zoo haazi

Sabu mi vooyi welsindeede e jalkiteede

Sabu yimve am vooyii fuunteede

Vooyi wallondirde e anve yiilotoove firtude

Xellitaare, pinal, neenal, yento, ganndal, ndimaagu, laamu, njeeveegu

Waawataa yahde gaagaa am