Caɗeele Jaŋde e nder leydi Moritani

Caɗeele jaŋde ɗe njogorɗen limtode les ɗe won e majje ummii ko e Laamu, ɗeya ko e Jaagorgal kalfinaangal Jaŋde, goɗɗe ɗe ko e Renndo maa mbiya Galleeji

1)      Ustugol pirlitte ko fayti e Jaŋde

2)      Borjugol duɗe laamu

3)      Baasgol potal gila e fuɗɗooɗe hakkunde sukaaɓe leydi kala

4)      Jannginooɓe huccude to duɗe ɗe ngonaa laamu

5)      Baasgol ñiiɓgol dawrugol Jaŋde

6)      Baasgol ñiiɓgol doole ɗemngal walla ɗemɗe jannginirɗe

7)      Baasgol soɗde ɗemɗe ngenndiije e duɗe laamu

8)      Baasal duɗe timmuɗe

9)      Ŋakkugol humpito jannginooɓe

10)   Baasgol ñiiɓgol ɗowdi jaagorgal Jaŋde

11)   Baasgol yarlitaare renndo

12)   Baasgol diisnondiral hakkunde ɗowooɓe dawrugol Jaŋde e galleeji e jannginooɓe

13)   Baasgol waɗde kaalis ngam heblude sukaaɓe hade mum en naatde duɗe Tolno Lesleso

14)   Keeweendi sukaaɓe e nder suudu jannginirdu

15)   Keeweendi maccieeruuji wonande cukalel

16)   Baasgol prograammuuji waɗtorde pinal leƴƴi fof

17)   Ŋakkeende birnorɗe e nder duɗe

18)   Baasgol heblooji yerondirde e jehre golle

19)   Ŋakkeende nguura wonande sukaaɓe ummiiɓe e galleeji doofolli

20)   Jaŋde waɗteede ‘ideologie’

21)   Ardin’de dawrugol keewal janngooɓe woppa kalitee ko janngetee ko

22)   Duɗe waasde jogaade weeyo moƴƴo

23)   Baasgol laamu waɗde jannginooɓe e weeyo moƴƴo

24)   Ŋakkugol defte janngirɗe wonan’de almuɗɓe

25)   Ŋakkeende duɗe ngam jaɓɓaade sukaaɓe woppiɓe duɗe gaadanteeje

Peeje potɗe sakkeede ngam moƴƴitin’de jaŋde

Ko goonga ko ɓuri heewde e geɗe jowitiiɗe e Jaŋde ko laamu foti waɗɗaade, kono won e geɗe waɗɗii ko renndooji e galleeji.

1)      Ƴeewtaade koɗki men : seertude e koɗki gruel maa nguron. Ƴeewde tawtondirde ngam ngam waawde jogaade gure mawɗe tawa Ekkolaaji Timmuɗe ina e mumen. Ekkol class gooto walla clasuuji ɗiɗi mbaawaa moƴƴin’de jaŋde.

2)      Goongɗin’de won’de ko jaŋde ɓamtata leñol, ƴellitde renndooji e leyɗeele

3)      Yarlitaare waɗde pirlitte e jaŋde sukaaɓe

4)      Ƴeewde sosde duɗe keblooje cukalon ngam naatde Tolno Lesleso

5)      Ƴeewde huutoraade humpito jannginoɓe men yahɓe retraite so sosde Ekkol joɓeteeɗo walla yoɓde ɗumen ngam rokkude sukaaɓe Kuuruuji

6)      Ƴeewde sosde Ekkol Secondaire hedde kayhayɗi, jaɓa ƴeewde jannginooɓe humpitiiɓe, yoɓa ɗumen njoɓdi moƴƴiri ngam njanngina sukaaɓe ko nafata

7)      Hirjin’de sukaaɓe men so kooti gure yoo mbaɗ ‘ Couruuji poofte’ walla so ɓe njahaani eɓe mbaawi wallude miñiraaɓe maɓɓe

8)      Ƴeewde artirde jannginooɓe men saasɓe e nder gure men ngam njanngina sukaaɓe men

9)      Ustude golle sukaaɓe e nder galleeji haa teengti noon e sukaaɓe rewɓe

10)   Hirjin’de e anndin’de jinnaaɓe won’de jaŋde ko ‘droit’ cukalel

11)   Hirjin’de BPE hol ko foti darnde mumen

12)   Faamnude won’de ko maa duɗal, jannginooɓe e galleeji ndentina doole mumen nde jaŋde waawa ɓamtaade

13)   Ƴewde waɗde njuɓɓudi e gure he ngam so sukaaɓe njawtii fayde ‘College’ ina njahdee, ina ndefanee, ina ndeenee haa teengti noon e sukaaɓe rewɓe

14)   Hirjin’de ngam ustude ‘dewle doƴɗe’ ngam rokkude sukaaɓe rewɓe fartannge jokkude jaŋde mumen haa tolnooji toowɗi

15)   Hirjin’de jaargaaji e joom kaalisaaji en yoo mbaɗ jawdi mumen ngam maa janngi’de ɓiɓɓe mum en caggal leydi walla waɗde ɗumen e Ekkolaaji maƴƴi ɗo e Nuwaasot

Nguyka Ndagnaaka: Leydi maa jeyi wonaa Njeeygu ko hurum

Hannde o, leyɗeele keewɗe tawa ko jahruɗe yeeso to bannge 'Technoloosi' tawa ngalaa leyɗeele ɗo Ndemi, walla ina njogii leyɗeele ɗo Ndemi kono ngalaa jehreedi ɓadiiɗi, walla ina njogii leyɗeele ɗo Ndemi, jehreeji ina ko badtii kono pirlitte mumen fayto e njoɓdi gollotooɓe ina Keewi, walla kubbal ngal leyɗeele mumen pawata mumen e se na ndi mbayla ndemanteeri ina ina mbaɗta ɗum goɗɗum saɗti.

Ko ɗuum addani, ɗiin sosieteeji mawɗi njiyti jooni ko e jokkondirde laamuuji leyɗeele noddirteeɗe doofolle walla baasɗe ɗe, ciifondira e Muen nandire binndaaɗe jowiteeɗe e LUWGOL leyɗeele ɗe e daawal duuɓi 99, tawa kala EKTAAR 1, 1 kb jarata dolaar walla's mum. Ko ɗuum waɗi hannde sabu coggu ngu weeɓde e yantude kadi na e ɓe ngarii leyɗeele ɗe ɗe njoɓata gollotooɓe ko seeɗa, kadi kubbal eɗe newnana eɗe mbaɗti ɗum No. dawrugol kesol ngam jiimde e leyɗeele tokoose ɗe. Ɓe kaaɗaani tan e neldude Sosieteeji maɓɓe mawɗi garooji ina kosa Oil, Kanne, uraaniom, liɗɗi ekn ... ..tawa ɗi mbaɗdi maalde ko e laamuuji bonɗi laamiiɗi leyɗeele ɗe.

Ɗuum ko boomaare mawnde wonande leƴƴi haa teeŋti noon yimɓe e dowri sabu caɗeele ɗe ko e maɓɓe payi. Hakkunde yimɓe dowri e leydi ko huunde mawnde nd weeɓaani sifaade walla faamde haa teeŋti noon sifanaade e walla famminde ɗum neɗɗo mo alaa JEYI anndaa JEYI. Leydi e neɗɗo njiidi walla ɓurii nih jiidigal, hakkunde Jeyi e Joom mum hakkille waawaa sifaade haa timma waawi tan ko annominde.

Tawde mbiy ɗen so jeyi kaalee ina ko yimɓe dowri toɗɗa. Jeyi leydi KB GENO jibbini Barke mo e neɗɗo dowri gila e njaatiraaɓe, yo ɓe nguur e dow mayri, ɓe kuutoroo Barke mayri gila Ndiyam e, e ñaamde haa, haa e huɗo jawdi, e ɓesnooje haa, haa e leɗɗe. So in ƴeewii neɗɗo dowri huutortoo tan ko ndiyam ngonɗam e dow leydi: yara heen, defira heen, lootoroo heen, huutoroo ɗam bannge ndema, jawdi mum yara heen, kullon Laddé, ndiwri e leɗɗe e puɗi kadi nguura heen.

So in ƴettii lekki puɗoowi e dow leydi nafoore makki gasataa: gila e henndu poofeten ndu ɓuuɓri e, e ɓesnooje haa, haa maa yummaaje defirɗe leɗɗe e e e baaji care baɗirɗi juri e ngori e keɓɓi demmba haa haa tiba feewnude diñoore ngam ngam e jaalal tammbaade tiba haa haa e e kaggu tuntuleeji haa haa tagareeji e e e dankiiji haa haa sakeeji e ndallaaji paabi e howde galleeji gese maa haa wuro e feewnude karaŋeeji burɗe e e e Sabbi oxidase tooñɗe e e e boɓi unuɗe haa haa blade haa calɗi e e haa haa luugal njinndaangu e e wooronnge jalo haa haa jinndaangu e e e geppendal leggal goppu haa maa ... lajal ekn in mbaawaa gaynude nafoore lekki in njubbat heen seeɗa tan.

Ko e dow leydi wuuretee, ko e mayri the kadi sakketee Saanga nd maaya. Leydi Barke donaaɗo ko mo njaatiraaɓe daccani taaniraaɓe, taaniraaɓe ɗaccani ɓiɓɓe, ɓiɓɓe ɗaccana ɓiɓɓe mum haa e ɓesnguuji garoyooji. Jeyi noon ina heewi to reeniraa ƴiiƴam. Jeyi keewɗo tabitiniraa ko ƴiiƴam. Ko adii nd Sammba Fiyaaka Moggii in Naata e nder Afrik, jeyi ina tabitnoo, kono nd ɓe ngari ɓe Bonni jeyi o ngam huutoraade leyɗeele ɗe, ko ɗuum laamuuji ɗi Ndoni, mbaɗti wiyde leydi ko haa Laamu jeyi teeŋti noon ndi e ndi yeñtinaaka.

Eɗen njaakorii ko Ndema tabitini jeyi hay Sinno in ngonaa wiɗtuɓe No. feewi. Kono tuugniɗen tan ko e sikke, waɗi ngesa eggintaake noon. Aynaaɓe Kanum in KB eggooru hoɗooru in ngonnoo. Ko goonga nih gaynaako fof Sokli Laddé ina mo maa nokku Durni jawdi mum.

Nde tuubakooɓe NAATI in nder leyɗeele ɗe, ɓe naatni ndemanteeri kesiri e nder ndema leyɗeele ɗe. hono liige, Cacawo, Gerte ekn ... .tawa ndiin ndemanteeri koko yeeyoytee walla waylortee caggal leydi. Haa haande do ko ngool dawrugol tan yehetee ngam woownude yimɓe ɓe ko nanndi OMAFRA e e e Bŋsalle Pompiteer ngoppa haa  maa Gawri Suuna ndiyamiri walla ndiya ɓuri e ñoobuku haa maa maa ñendiko Feela jaawɗo walla Feela leelɗo maa maa samme sewil maa maa dene ngaale faataato. Hannde kaaɗdi Tuubaak lomtiima sammba rewo, pompiteer lomtiima faataato. Ɓe naatiniri ndiiɗo ndemanteeri kesiri ko ko Mbele eɗen ngoppa ngoownoɗen ñaamde, mbaɗten jiggoyaade to maɓɓe, walla mbiyen eɗen ndema ndiin ndemanteeri ɓe mbaɗta in yeeyde masiŋaaji maɓɓe doosirɗi, gaawirɗi, coñirɗi, eŋere maɓɓe ekn ...

Nguyka ɓura ɗuum. Laamuuji leyɗeele tokoose ɗe ndallinirta jaɓde sosieteeji mawɗi ngara Luwa leyɗeele yimɓe dowri tawa ko ndiisnaaki ɗumen yiɗde yoo leyɗeele tokoose ɗe njogo 'KISAL NGUURA' kono haa Nanee Boyi laawi nayi sabu:

-           Leyɗeele ɗe ko ɗe HURUM yimɓe dowri

-           Ko ko ko ɗe luwirtee coggu jaafɗo ko ɗe booynaaɗe

-           Leyɗeele ɗe kala ko ko moƴƴe sabu AAWA e majje, soñete

-           Joom leyɗeele ɗe ndiisnetaake

-           Joom leyɗeele ɗe ndokketaake heen ko lowe tawa Kanum in naftortoo

-           Yimɓe nokku ɓe kadi ndokketaake Hoyre ngam gollaade e gese hay so he walla ngolliima e majje njoɓetaake poti yoɓeede ko, ko mbaɗtetee maccuɓe gollotooɓe e nder jeyi mum in

-           Ndemanteeri ndi ko kadi so soñaama caggal leydi yeeyoytee

Laamuuji ɗi poti neheede ina, ina yimɓe dowry poti fotndude fof haa heen jeyi mum in mbaawa tabitde, mbaasa hepteede. Laamuuji ina poti fammineede wonde JEYI wonaa NJEEYGU ko HURUM.

So in ƴeewii leydi Moritani ndi ɓurɗen anndude gila e ndi Laamu satigeeɓe, nd nokku daɗiiɗo mayo Senegaal innirtenoo NAMANDIRU haa o e o Laamu almameeɓe nd nokku wonti Futa Toro, hareeji jeyi ina ngoodnoo hakkunde safalɓe e ɓaleeɓe, walla nih hakkunde ɓaleeɓe e Koye mumen. Kolangal FORI, diiwaan kayhayɗi ko Kanum woɗnoo nokku demirɗo ɓurɗo wonde pooɗondirteeɗo, ko ɗuum waɗi hareeji keewɗi mɓaɗi ɗoon kadi laamuuji keewɗi tuddiniino ɗoon. Ko kolangal ngal addatnoo JIINGE, NGAPPUGU e GUUMEL bayliraaɗo seynimaadi hande wonnoode Laamorɗe haa teeŋti e Laamu satigeeɓe noon.

Cellal Yumma e Ɓiɗɗo

Nehdi ko fayti e cellal Yumma e Ɓiɗɗo ina himmi no feewi e nder renndooji. Waɗi noon ko Yumma woni jibinoowo ko ɓiɗɗo woni jibinteeɗo. Ko ɓiɗɗo ummotoo e reedu yumma mum naata e nder aduna. Yumma e Ɓiɗɗo fof kiisetee ko tagooje leefɗe potɗe walleede. Ko goonga e renndo fulɓe Baabiraaɗo heewaani wallitde Yummiraaɗo no feewi saanga nde o sowii; haa jibina haa ɓinngel mum mawna. Kono Baabiraaɗo ina foti wallude Yummiraaɗo saanga nde o sowii; haa o heptoo; haa ɓinngel makko mawna.

En ngonaa fanniyanke ko fayti e cellal; kono GENO rokkude en fartaŋŋe gollaade e pelle ɗe ngonaa laamuyankeeje e yirlde eɓɓo tawa cellal ina heen; addanii en jogaade humpito seeɗa ko fayti e cellal Yumma e Ɓiɗɗo.

Hade men naatde e wasiyaaji paytuɗi e cellal Yumma e Ɓiɗɗo; eɗen nganndi wonde e hitaande 2000 Aduna o fof renndiino; eɓɓi ko wiyetee ²Payndaale Ɓamtaare². Fayndaare 4 toɓɓi ko ustude maayde Sukaaɓe 2/3 hakkunde 2000 e 2015. Fayndaare 5 toɓɓi ko ɓeydude cellal Yumma 4/5 hakkunde 2000 e 2015. Kono so en ɓetii seeɗa ; maa en taw hay sinno won e leyɗeele taaɓiiɗe seeɗa ; alaa fof e leyɗeele tokoose ɗe jogorɗe yettaade payndaale ɗe e 2015.

Hannde ɓetooji ina mbiya wonde maa won 8,8 milions cukalel ina maaya kala hitaande tawa dañaani duuɓi 5 tawa 2/3 e ɗeen maayɗeele ina mbaawno faleede haa teeŋti noon e rafiiji Ɗojjo; Ndogu Reedu; Jontinooje e Ŋakkeende Nguura. Ko ɓuri 35000 debbo ina maaya e kala hitaande; ko ɓuri 2000 000 tiggu ina maaya ñande njiibinaa nde.

Fayndaare ko fayti e CELLAL e ÑAMANTEERI e nder aduna he ko : Wallitde ngam ustugol wallitde kuuɓtidingol wonande yummiraaɓe e sukaaɓe (Les duuvi 5), Ngam yettaade ndeen fayndaare; geɗe tati garooje ɗe ina kimmi:

1-    Ñamminde Sukaaɓe e Yummiraaɓe ñamri moƴƴiri

2-    Hisnude Sukaaɓe e yummiraaɓe e rafiiji

3-    Rokkude Sukaaɓe e Yummiraaɓe geɗe cellal ɓurɗe himmude

Laawol ngam ɓamtude cellal Yumma e Ɓiɗɗo ɓuri joofaade ko aadaaji paddorɗi tawa njowitii ko e geɗe goɗɗe tŋwŋ kadi caɗaani to bannge kaalis ngam haɓde e geɗe gaddooje maayde Sukaaɓe e yummiraaɓe e ñabbuuli. Rokka hoyre ko rewɓe sowiiɓe; tigguujie sukaaɓe les duuɓi 2; waɗi noon ko baɗte ɓurɗe teddude wonande maayde e  rafi e rafi ñaamde; ko ɓeen yimɓe ɓuri farlude. Baɗte rafi ñaamde wonande ɓee yimɓe mbaawaa heɓɓiteede  so ɓooyi e nder nguurndam kadi ina njogii baɗte duumiiɗe.

Geɗe ɓurɗe himmude paytuɗe e Rewɓe Sowiiɓe(0-9 lebbi)

1-    Ñamri Moƴƴiri

2-    Kebbitgol Feer Folat

3-    Ñakko paytuɗo e Tetanos

4-    Kaɗgol e Cafrugol kaɗowol jontinooje

5-    Keblagol ngam jibinde e eɓɓude e laayondirde cowagol

6-    Haɓaade jalɓi

7-    Jogaade safaara ko adii nde jibinta wonande debbo cowiiɗo e caggal nde jibini e kaɗgol Yumma raaɓde Ɓiɗɗo e koolkisagol ko fayti e SIIDA e ƊOYRU e RAFIIJI

Geɗe ɓurɗe himmude paytuɗe e Sukaaɓe(0-24 lebbi)

1-    Muuyningol tawa ko kosam enndu tan

2-    Safaruuji ko adii jibingol

3-    Sooɗoraade Junngo mum saabunnde

4-    Ñamri timmitinoore njuɓɓundi

5-    Feer juɓɓuɗo

6-    Timmotiral Vitamine A

7-    TRO= kebbitgol ndiyam

8-    Kaɓgol e ƴeewgol safaara ko fayti e IRA (Infections Respiratoires Aigües)

9-    Ñakkugol timmungol pawingol e duuɓi

10-                       Kaɓgol e ƴeewgol safaara paytungol e IRA

11-                       Haɓaade jalɓi (+ 12 lebbi)

Maale bonɗe wonande Tigguuji

1-    Caɗeele foofaandu e muuynugol

2-    Caɗeele ñaamgol e muuynugol

3-    Paawngal

4-    Ɓuuɓgol ɓanndu so memaama

5-    Giddugol

6-    Ɓanndu e gite oole

7-    Weyweyko boɗeejo ; ɓuutngo  e mbordi (dononɗe oole nder gite )

8-    Ɓuutgol e gojjugol ɓanndu; mbordi maa henndu ndu welaani sara wuddu

Maale bonɗe wonande jontinooje

1-    Baylagol hakkille

2-    Donkugol yarde

3-    Tuure heewnde

4-    Paawngal mawngal

5-    Foofaandu yaawndu e saɗtundu

Maale bonɗe wonande ɗojjo becce

1-    Foofaandu yaawndu ; wonande sukaaɓe yahrooɓe e lebbi 2 haa e 12 ; poofaali 50 e nder hojom

2-    Caɗeele foofaandu; cukkugol kine

3-    Jangol ƴiyel ɓernde

4-    Ɗojjugol cukalel ko ɓuri jonte 2

5-    Donkugol muuynude; maa yarde e ɗojjugol jokkondirngol

SEƁƁITIIƁE PORTII KOYNGAL E NDER LEYƊEELE AFRIK

En mbaɗiini winndannde e jonte ɗeya ɓennude tiitoonde mayre woɗnoo ko AFRIK nana hakkunde Martu Selbiyannkooɓe e taande Imperialist en. Caggal Wolde Adunayankeere Ɗimmere Leyɗeele dennduɗe Amrik hono USA e Ngendiiji Sosiyalist Sobietik hono URSS njalti hono leyɗeele ɗiɗi ɓurɗe jogaade kaɓirɗe hare ɓurɗe bonnde kadi kala heen leydi ina reentii gonndi ina yaakori hay so bonnii ndi leydi kañum ne yahdat heen; ɗe ngonti ko kañnje ɗiɗi tan nduhii tuubaaji. Ɗee leyɗeele ɗiɗi naatni e Aduna he ko wiyetee ²Hare Ɓuuɓnde² ko anndiraa `Guerre froide`. Leyɗeele keɗdiiɗe ɗe ndewi ko e ngootiri e majje; aduna o feccii e pecce ɗiɗi; heen feccere rewi ko e URSS ndeya feccere rewi e USA; hareeji keewɗi mbaɗi hakkunde leyɗeele keewɗe tawa saabii ɗum ko kañnje; hareeji hakkunde yimɓe leydi ngootiri mbaɗi haa heewi tawa ko kañnje caabii; ndeen hare ɓuuɓnde jokkii haa e kitaale 1989- 1990- 1991. Ko e ɗeen kitaale Ɓalal berlin fukkii; URSS saakii. Yimɓe heewɓe ina tuuma George Bush laaminooɗo Amrik e oon sahaa suɓaade yo aduna o jiiɓo mbele yimɓe ndonka nganndude to payi haa Amrik waawa hoonaade waawa huutoraade leyɗeele kala. Ko ndeen ɓe njani e Iraak ɓe tuumi ɗum ina jogii kaɓirɗe Simik caggal nde ɓe ngemmbunoo ɗum yoo fiy walla haɓ e Iran fotde duubi jeetati ngam hoto Iran Siit dañde doole e ndee hettere leydi. Caggal njanngu 11 Septembre 2001; tawde gaño Amrik gadano hono URSS yani; ɓe mbiy gaño ɗimmo o ko Islaam yo ɓe mbaɗ feere ɓe itta ɗum e aduna tawa kadi eɓe lutti ngemmbude leyɗeele juulɗe mawɗe hono Sauudiyya e Katar e Egipt ekn...Ben laden ko kamɓe tagi ɗum ko kamɓe kadi mbari ɗum nde natti nafde ɓe waɗti lorlude ɓe. Hannde waɗi noon Islaam wonti Islaam politiki leyɗeele mawɗe ina kuutoroo peccoor hakkunde Sunnit en e gardagol Sauudiyya e Siit en e gardagol Iran. Nde Amrik liɓi laamu Saddaam Huseyni; ɗuum addanii Siia en woɗnooɓe Iraak yiɗde yoɓtaade ko Sunnit en mbaɗatnoo ɗumen e laamu saddaam; Iran kadi walliiɓe mbele Siit en ina njogoo doole. Kono en njiyi nde koninkooɓe Amrik njalti Iraak waɗi noon ko Barak Obama e nder Kampaañ mum ngam laamaade fodiino wonde maa yaltin koninkooɓe ɓe Iraak sabu gonal maɓɓe toon welaano yoga e amriknaaɓe haa teeŋti noon e Demokraat en sabu heewii ɓiɓɓe amriknaaɓe waasɓe toon piɗtaali mumen e yantude kadi gonal maɓɓe toon ina naamndi noo pirlitte keewɗe hono kaalis keewɗo.Leyɗeele Aarabeeɓe hono Sauudiyya e Katar e Kuweit ekn...ko kañum en mballatnoo ko wiyetee SEƁƁITIIƁE ɓe ko; kono ɗe mballiratnooɓe ko yo ɓe njah ɓe kaɓoyee leyɗeele goɗɗe hoto ɓe mbiyde eɓe ƴeewa laamu e nder leyɗeele Aarabeeɓe ballooje ɓe ɗe. En njiyii kadi hono Amrik e cibooji mum hono Farayse e Engelteer mbardi KADDAAFI e no caggal makko woni e fiinirde ɓe. Jangol laamu Kaddaafi maa addan Seɓɓitiiɓe ɓe bonnude leyɗeele catiiɗe LIBI ɗe. En njiyi LIBI kam yakkiima. En njiyi no Maali wayi hannde. Fedde wiyeteende DAAIS jibinaa tan ko maa won hitaande kono en njiyii no fortiri koyngal mum. Leyɗeele mawɗe nguuranii ko Sunnit en ngam hoto Iraan Siiri Siit en ɓeydaade dañde doole. Hono leyɗeele mawɗe ballooje Sunnit en mbiyrata ina kaɓoo DAAIS? mojobere ina ɗoon. Alaa ko haɗi Amrik e leyɗeele Orop faamondirde e Riisi so wonaa Riisi jaɓaani haɓaade SIIRI e IRAAN. Coggu barigal petorol yande saabii ɗuum ko Amrik waɗtii yaltinde ko ɓe mbiyata petorol a gaz de schist kadi waɗde maalde e Sauudiyya mbele ina saloo ustude ko yaltinta e petorol ko mbele URSS tawde ina jogii petorol kadi ina wondi e HIIƊEEDE mbele doole mum ina ustoo. Goonga o wonaa leyɗeele mawɗe ɗe ina ngoƴa ko Riisi yantine Kirime e leydi mum walla kadi no yiɗiri yantinirde IKREEN e leydi mum nih; ɗe njiyi ko helde doole Riisi mbele ina natta yeeyde Siiri e Iraan kaɓirɗe bonɗe. Hannde fuɗnaange ɓadiiɗo ina jiiɓii kono ɓuri bonde noon fof ko ngonka Afrik haa teengti noon e Afrik bannge worgo sahara. DAAIIS so yantondirii e ALKAAYDA e ANSAAR DIIN e BOKU HARAM ekn... leyɗeele hono LIBI; TINISI; MALI; MORITANI; NIGEER; CAAD; KOT NDIWAAR; NIGERIA; KAMERUUN; SENEGAAL; GINE; GAMMBI ekn....ngontat no SOOMAALI nih. En njiyi no DAAIS gollorii wanngotooɓe to Suus; so en njiyii njanngu ANSAAREDDIIN e Mali hakkunde mum e Moritani e hakkunde mum e Kodduwaar maa en nganndu wonde geɗe ɗe ngoni ko e reɓde. Geɗe ɗe njogori ko wontude cumu alarba waɗi noon ɓeen seɓɓitiiɓe maa ummii ko e leyɗeele ɗe e koye mumen walla ina njogii heen wallidiiɓe sabu hannde maa mbiya Islaamiyankoɓe fof ina kaaɓani tuubakooɓe. Kono so tawiino bone ɗe njanata tan ko e tuubakooɓe baasi alaa kono so ɓeen seɓɓitiiɓe naatii e ɗee leyɗeele ɗe limtuɗen dow ɗe mbomata ko leƴƴi haa teengti noon e leƴƴi ɓaleeji waɗi noon ɓe kujjinortoo ko ɓeen ɓaleeɓe diine mumen sellaani kadi yoga e leyɗeele he ina mbaɗi leƴƴi walla yimɓe ɓe ngonaa islaamiyankooɓe. Jamanuuji mettuɗi ina ndooki ɗee leyɗeele. Alaa fof ko ɗi mbaawani ɓee seɓɓitiiɓe. En mbeddinooma naamndal mbiyɗen holi ko foti wonde darnde men caggal nde ngarɗen e LAABI CELI kono en njiyaani jaabawuuji tawo,

Harameeji Jeeɗiɗi

So wiyaama Fulɓe ngalaano Diine walla ndewataano GENO ko fenaande: Eɗen nana e nder daartol wonde Fulɓe koɗdiino e Yahuuda en. Ina gasa tawa ɓeen ko e maɓɓe njiggii diine  mbayli ɗum e pinal mum en. Jamirooje sappo gonɗe ndalla diineeji biyeteeɗi ko telliiɗi ɗi hono Judaisme, Christianisme et Islam tawa ko Harameeji Jeeɗiɗi Fulɓe ɗi itta

 Ɗum ko miijo men tan wonaa Ibrahima Sarr wiy noon

Selon Ibrahima Sarr dans `Hymne des sept serments` texte sacre des peuls du Ferlo.

          Konngol   Harameeji*¹ Jeeɗiɗi*²                                                                      

1.  Buuɗal yurmeende*3

2.  ƴellitiingal e innde Geno*4

3.  Yo jam nyallu haa to ciinyciiɗe-ma kaaɗi.

4.  Ɓesngu ina e wuro, jawdi ina sarii e ladde harimaaji*5

5.  Yo yiitere-ma reen*6

6.  Kala ko njeyɗa*7 min coottirii*8 ɗum

7.  Biigi*9 baggi, gay dimaaɗi*10   e ƴiiƴam sagataaɓe *11.

8.  Minen ɓiɓɓe Fulɓe*12  min ngoondanii-ma *13

9.  Harameeji jeeɗiɗi ɗi min pirtataa :

10. Goo: min ngujjataa *14!

11. Ɗiɗi: min penataa *15!

12. Tati: min kulataa *16!

13. Nay: min njanfotaako *17!

14. Joy: min taƴataa ennɗam*18!

15. Jeegom : min pirtataa aadi *19!

16. Jeeɗiɗi: kala ko danyaa ina rennda, min ɗawataa *20 !

17. Min piɓii ɗiiɗoo harameeji jeeɗiɗi ɗi mi pirtataa.*21

18. E laawol pulaaku*22  ngol mi ndoni

19. E Baaba Kikala kam woni maama kala

20. E Neene Naagara*23 kam woni sabu kala.

21. Min piɓii ɗiiɗo harameeji jeeɗiɗi ɗi min pirtataa

22. E barke kosam e nebam.*24

23. Min piɓii ɗiiɗo harameeji jeeɗiɗi ɗi min pirtataa

24. Foroforondu *25 ina seedi

25. Kam woni mawɗo sippooɓe

26. Kam woni mooftuɗo sirru burgal kelli *26, ɓirdugal eeri *27  e lahal baddi *28

27. Kam humpitii ko boloŋ e sumalle kasam kaalata *29.

28. Min piɓii ɗiiɗo harameeji jeeɗiɗi ɗi min pirtataa

29. E yeeso Kuumen *30 kam woni  mawɗo aynaaɓe

30. Mo Geno-Dundaari resndi duruunde harimaaji,

31. Caali e beeli e daabaaji wuro e ladde.

32. Kam wakki  sirru sawru nelɓi*31  e boogol daɗol,

33. Kam foɓɓii ndurbeele*32, cabbi nay ndewi heen,

34. Kam soggiti koobi*33, forli lelli, billi e tewdi*34 to ladde Tulaa-Heela*35.

35. Min piɓii ɗiiɗo harameeji jeeɗiɗi ɗi min pirtataa

36. E toraade ndokuwal Caamaaba*36 ba bacce  kaŋŋe capannɗe jeenay e jeegom*37

37. Yoo min male jawdi e cellal.

38. Min piɓii ɗiiɗo harameeji jeeɗiɗi ɗi min pirtataa

39. Yo Geno-Dundaari  wuurnu-min, suura-min, dannda-min

40. No O danndirnoo ndaw*38 e nder jereende

41. E ngendiije nano e nyaamo*39,

42. Gila njaajeeri cooya*40  haa sahal*41  haa ɓaleeri*42 haa  maaje  geej*44.

DURMAM DAƳƳEL SALƊNDU GELOOKI. SO A DOGII ƁENNITA. SO A YAHRI SEESE A YOTTOTAAKO

Yimɓe heewɓe ina kawri wonde Renndo maa waɗa Annduɓe Alɗuɓe e Laamɓe nde yahra yeeso ɓamtoo ƴellitoo hulee hormee ɗaminee ñemmbee yeeɓee. Ɗuum ina hollira wonde ko geɗe tati ɓamtata renndo hono GANNDAL NGALU e LAAMU. Kala kadi leñol ngol fooɗantaako ɗeen geɗe walla alaa gootal e majje so reenaaki majjat. Njiɗ ɗen ko jubbude seeɗa ena cikkirɗen Fulɓe hannki ngonirnoo leñol mawngol jogingol Ganndal Ngalu e Laamu. Ina saɗi ko ɗeeɗo geɗe tati tawetee e neɗɗo gooto; hay sinno ɗiɗi e majje ina mbaawi taweede e neɗɗo gooto; LAAMU e NGALU ina keewi yahdude.

Waɗata renndo yahrude yeeso ko ɓee ɗaɓɓita ganndal; ɓeya kuccana ngalu; ɓeya pooɗanoo laamu. Ina saɗi noon ko ɓe mbawata liggotirde haa ɓe mbaɗana renndo njuɓɓudi laaɓtundi ndi ina waawi rewde e mum haa ƴellito. Jiilotooɗo GANNDAL no yiyrata nih ina seerti e no ɗaɓɓitoowo ngalu yiyrata nih; ina gasa noon tawa ɗaɓɓitooɗo LAAMU e jiylotooɗo NGALU ina mbaawi renndude laawol. Ko njiɗɗen joofaade ɗo ko yoo ANNDUƁE e ALƊUƁE e LAAMƁE leñol ƴeew ɓadondirde haa ɓamta leñol. Sabu so leñol maa renndo ɓamtiima maa ƴoog e Annduɓe he; maa sood e Alɗuɓe he; maa bat Laamɓe ɓe cuusnaɗumen njeewtaɗumen.

A ardinooma hanki salo heeded caggal hannde. Jamaanu wayliima waylu ngonkama. Heɗto daari maa anndu a wonaa sinndere so a wonaani ɓanndu won tergal ɓurngal mawnude e mayru. So a jaɓii biyoowo mbiymi fof ko PULLO so a saliima kadi yoo taw jikkuuji PULAAGU ina tawee e ma: CUUSAL MUÑAL GACCE HAKKILLE MOƳƳERE AADIYANKAAGAL KAARAYSIRAAGAL. PULAAGU wonaa sifaa ɓanndu wonaa koɗki kono ko laawol nguurndam ko yiyannde aduna ko jikku. Jikku PULLO ko geɗe limtuɗen dow ɗe. Ɗeen geɗe fof so en so en ndentiniiɗe rokka ko wiyetee NDIMAAGU.

Neɗɗo ina foti tiimtaade e hanki mum haa annda no yahri e hannde mum eno mahiri jaŋngo mum. En potaani jaɓde hanki men ina bonnitee tawa fayndaare nde ko yoo en njejjit to umminoɗen no haa ngñen hanki ganndal ngalu laamu men. Ko goonga hankie n mooftirtaa no geɗe men binndol kono hannde eɗen njetta GENO eɗen njaara kadi mawɓe men darinooɓe haa pennti Alkule Ɗemngal men. Eɗen njaakori wonde hankadi PULAAR maa ɓamto ƴellitoo kadi wontaa maajju wontaa maay. Hannde PULAAR naatii e nder gannde kesi naatii e geese.

Hannde ina woodi gollotooɓe e feññinaade e gollotooɓe e niɓɓere jamma e ñalawma ngam ɓamtaare ɗemngal ngal. Won haɓeteeɓe jamma e ñalawma won yarlitiiɓe won hatanteeɓe ɓe ngalaa haaju so wonaa ƴellitde PULAAGU. So en njiyii hannde no PULAAGU wayi saraade e nder winndere he eno Fulɓe carorii e nder yoga e leyɗeele Afrik eɗen keewi kono keewal men ina ɗeɓi aayaade. Ina gasa so woortii GINE KONAKIRI ko en seeɗa e leyɗeele keɗdiiɗe ɗe kadi hannde leyɗeele mawɗe ɗowooje aduna ɗe kuccam mumen ko DEMOKARAASI kono so en ƴeewi wonaa leñol ɓurngol heewde yimɓe tan laamotoo e nder ɗeen leyɗeele. Ko ɓuri heewde nih ko leñol ɓurngol famɗuɗe yimɓe laamotoo e ballondiral e leyɗeele mawɗe e fuuntiiji nder leyɗeele ɗe.

Ɗo PULAAR yahrata hannde ina foti semmbineede. Kono PULAAR waawataa ɓamtaade no njiɗirɗen nih so tawii yimɓe leyɗeele ɗe fulɓe ngoni ɗe fof ndaraaki haa njanngi ɗemngal ngal ndaraaki haa kala leyɗeele to ɗemɗe ngenndiije ngaŋnginirtee to coɗaa e duɗe laamu tawa ina ngolloree. Kadi PULAAR ina waawatnoo yahrude yeeso e ɗeen leyɗeele so tawii ko PULLO CUUSƊO KIROOWO laamii. Ko goonga hannde ko maa Farayse walla Eŋele walla Purtogees walla Arab ngoni ɗemɗe ɗe laamuuji leyɗeele Afrik kuutortoo kono ɗuum ko jaasre men enen Afriknaaɓe. Ƴeewen hannde hay e nder pottital tawa ko Afriknaaɓe ɓaleeɓe ɓolɓe ko ɗemɗe tuubakooɓe kuutortoɗen. Ko tagi en kawrataa e ɗemngal gootal ngal janngee e nder Afrik fof ngal wona ɗemngal jokkotiral hakkunde Afriknaaɓe fof.

Ko goonga Afrik ina feccoo e pecce ɗiɗi: Afrik ɓaleeɓe e Afrik aarabeeɓe. Afrik Aarabeeɓe ɓe ngalaa caɗeele no feewi ko fayti e jokkondiral e to kuutondiral hakkunde mumen sabu kañum en fof ina nana ina kaala ina ngolloroo Arab. So Afrik ina jogori yahrude yeeso gasataa so wonaa tawa ɓiɓɓe Afrik  Ɓaleeɓe fof ina kaala ɗemngal gootal no Afrik Aarabeeɓe kaalirta Arab nih. Nanndiral ina waawi waɗde yoo leyɗeele Afrik ɓaleeɓe fof mbaɗtu njanngude Arab kadi tawa leyɗeele Afrik Aarabeeɓe fof ina njannga ɗemŋal gootal cukangal yoo jannge liggoree e leyɗeele Afrik ɓaleejo. Maa wood biyɗo ɗuum waawataa wonde. Ƴeewen hannde Arab ko e ɗemɗe Joy maa Jeegom Leyɗeele Dennnduɗe jeya; mbele ɓe ɓur ɓaleeɓe heewde alaa ko jogaade ɓe ɗemngal Arab ngal kamɓe fof ɓe nanata ɓe ngollortoo tawa haɗaani ɓe janngude ɗemɗe goɗɗe ɗe biyeteeɗe ko kañum en tammbii ganndal hannde ngal.

Hoto jeytaare woni so tawii haa jooni ko ɗemɗe jiimnooɓe en ɓe njanngeten kuutondirten so eɗen kaalda hakkunde men enen ɓaleeɓe. Aarabeeɓe ina kaɓe ina kira ina njogii hakkillaaji ɓurɗi hakkillaaji men ɗi. Hannde tuubakooɓe kañum fof e yiɗɗe haɓaade pinal maɓɓe e diine Islaam ko Aarabeeɓe ɓe ɓuri hulde e ɓaleeɓe waɗi noon ko kamɓe eɓe ndilla eɓe kaɓee e mbarndira e tuubakooɓe; mi wiyaani yoo en mbarndir e tuubakooɓe walla yoo njinngan aarabeeɓe njiɗmi tan ko rokkude yeru.

Hannde leyɗeele Afrik fof ina njogii Rajooji ina njogii Teleeji so yiɗii wona ɗi laamu walla ɗi ngonaa laamu. Mbele PULAAGU ina yiytoo hoore mum e nder ɗiin Teleeji walla Rajooji. Ko goonga won e leyɗeele ina kiiɗii FULƁE hay rokkude ɗumen Rajo Renndo njaɓataa kono ko ɓuri heewde e leyɗeele ko baasal FULƁE yarlitaare waɗde ngaluuji mumen e Rajooji walla Teleeji haɗi ɗi heewde e leyɗeele to ɓe ngoni. Ƴeewen hannde no PULAAGU daɗiraa to bannge SINEMA; wonaa baasal wonaa rafi ganndal ko rafi njuɓɓudi e yarlitaare waɗi hannde sukaaɓe men njeeɓata ko FILMUUJI pine goɗɗe.

Eɗen kaawnii eɗen maamnii. Eɗen njiɗaa sukaaɓe men ngoppa aadaaji men fina tawaa men tawa alaa ko mbaɗɗen haa mbaawen reende ɓe e pine koɗe. So en njaɓii enen jinnaaɓe yarlitaade haa mbaawen dañde Rajooji walla Teleeji e waɗɗe Filmmuuji ekn… tawa ɗi kaalata ko PULAAR ko pinal Fulɓe ɗi nguuri ndeen maa sukaaɓe men njeeɓ keɗo njiɗa pinal men; kono so tawii gooto e men fof ko hoore mum tan woƴi ɗum; woni tan ko e lobugel mum ina ridda ngalu walla ina tammoo ɗe looraani; sukaaɓe men ndudoyat. Ƴoƴre Afrik ina wiya` So on njiɗii yaawde gooto fof yoo rew tiinde mum; kono so on njiɗii woɗɗoyde mbaɗdee laawol`

En mbiyno dow Aduna wayliima yoo FULƁE mbaylu ngonka mumen tawa ko e dow hakilantaagal. Aduna hanki ko DEMA NGAYNAAKA AWO. Toɓo ina toɓa Ilam ina ila Durngol na heewi belɗi juɗde ngasataa e ndiyam. Ko ndeen Fuuta wiyetenoo NAMANNDIRU. Hay sinno eɗen njoginoo ganndal Remde e nder Jeereende e yontaaji ɓennuɗi ngaal ganndal majjii. Ganndal noon ko Sirru GENO gonɗo e ɗemngal; so ɗemngal janngaaka wiɗto waɗa oon walla ɗiin sirruuji njiytetaake. Hannde tuubakooɓe Amrik so ɓurii aduna ƴelitaade to bannge karallaagal ko e ɗemngal mumen ƴellitii. Hannde so Japoneeji ƴellitiima to bannge karallaagal ko e ɗemngal mumen. Janngirde ɗemngal jananal heɓraɗum ƴellitaare ina saɗi.

Ƴoƴre jibidinte Ganndal janŋete; so en ƴeewii wiyaama gila e yonta FIRAAWNA PUlAAR ina haaletenoo; Tuubakooɓe mbiyata ko e Gerek en keɓi ganndal mumu en hannde ngal kono ɓe kaalataa to Gerek en keɓi ganngal mumen ngal. Daartaama wonde annduɓe mawɓe Gerek en ko e ɓaleeɓe njaŋngi `PITAAGOOR` ko e maɓɓe jeya. Daartol waylaama; penaale compaama; hay enen ɓaleeɓe en njaɓii hiitoraade ko ƁAWLI. Ina hersinii e ɓaleejo jaɓde wonde goobu ɓaleejo sifotoo ko jaayiya maa bone. Ɗuum ko woɗeeɓe e raneeɓe pawi e dow men njaɓɗen.

So en ƴeewii ina wiyee renndooji keewɗi majjii njahdi walla njooldiima e gannde  mumen. Ñalawma bonɗo meeɗiino arde e winndere hedde duuɓi 1600; ñeeñal renndooji keewɗi e teeminanɗe keewɗe ngonti ndoondi nde Faawru defte ALEKSANDIRIYA mawndu sumi. Hay ganndal wayi kono aduna nih ñiɓaaki koko ɓaarii. Ndeen Faawru ndu sumii; annduɓe mawɓe ndenti  ngam mahtaade binndi ñeeñal e ganndal cumngal ngal. Ko heewi heen artiraama kono hannde annduɓe njiyti wonde won gannde keewɗe njiytaaka walla mahtaaka. Ɗuum addani ɓe miijaade wonde janngde winndere woni ko hakkunde fulla e taande. Gannde cosaan keewɗe mbirniima walla leyɗeele mawɗe maa diineeji majjinii ɗumen.

So en ƴeewii daartol KUUMEEN; no fulɓe nganndirnoo nayi walla jawdi; so en ƴeewii holno yimɓe hannki mbaawnoo wuurirde e nder jeereende tawa ina ndema heen tawa kuutoraaki doosgol; so en ƴeewii jaaltaaɓe hanki no yaltiratnoo caamaaba e nder ndiyam maa en taw ko ganndal maɗnoo noon. So en miijiima aduna hanki nde mawɗo hooynotoo asamaan wiya ²so nduu maayi waadere memat leydi² walla; nde Ndunngu Ceeɗu Dabbunde e Kawle. Hannde leyɗeele biyeteeɗe ko jahruɗe yeeso ɗe ina mbaɗa pirlitte keewɗe fayde e ²WITTO². Mbele enen Afriknaaɓe tawde en ngalaa won e ngaluuji e won e kaɓirɗe haa mbaawen naatde e wiɗto leyɗeele maɓɓe ɗe; en mbaawaa ƴeewde wiɗtude haa ngartiren gannde men hanki? Hannde en ngarii e laabi celi. Ko ko sifortee e Pulaar ²DURMAM DAƳƳEL SALƊNDU GELOOKI; so a dogii ɓennita ; so a yahrii seese a yettotaako.

Hannde hay so tawii Afrik hiiseteeko e leyɗeele baasɗe majjuɗe keewɗe hareeji e ñawu e heege eɗen njogii ko eɗen mbasoroo:

1)    Neɗɗankaagal; haa hannde renndooji men ɗi mbaylaaki ɗi mi haalaani laamuuji men gostaaɗi ɗi ina kurmii neɗɗo; ina mballa mo baadoolo; ina mballina koɗo; ina toppitii jiidigal ekn…. So en njiyii hannde leyɗeele mawɗe ɗe nana pewja ngam ustude ɗannotooɓe men. Potɗen anndude ko so ɓe mballaani Gerek maa Irland ekn….ɓe mballataa en. So enen njoginoo ko ɓe njogii ko hay leydi ngootiri waasata e nder Afrik.

2)    Hannde enen Afriknaaɓe eɗen keddii e laabi GENO diidi hay sinno won waylowaylooji ngaddaa e renndooji men. En njiyii hannde wonde DEBBO e DEBBO walla GORKO e GORKO ina ndesndira e leyɗeele biyeteeɗe ko jahruɗe yeeso ɗe tawa ko e innde WELLITAARE. Eɗe njiɗa nih waawnude won e leyɗeele Afrik yoo mbaɗtu waɗde noon.

3)    Enen eɗen kormii SATO haa jooni. Waɗi noon eɗen ngoogɗini wonde leydi ndi nguurɗen e dow mum ndih ina foti rokkeede hurum sabu ko kayri jibinta kala ko wuurni en. Ƴeewen leyɗeele mawɗe ɗe no mborjiniri SATO mumen; no mbonniri henndu poofeten ndu. Ɓe njawnoree ɗuum kadi ɓe ngara e leyɗeele men ɓe njokkondira e laamuuji men bonɗi ɓe cooda walla ɓe luwa leyɗeele men ɓe ndema heen tawa alaa ko naftata en.

E tonŋol eɗen mbiya wonde ko enen tan mbaawi ƴellitde leñol men; renndo men; leyɗi men; duunde men. Hay gooto darantaako en darnde men. En ngarii hannde e laabi celi kono ruttaade alaa; juuwde heɓii wuufa wukka ruttaade alaa. Eɗen poti suɓaade ko ɓuri yaawde holi e laabi he ngol ndeweten.