Arɗooji Rewo Boosoya e ganndal Nayi

Jah Daawuuda Demmba Astel To Moongel, Soh Abu Aamadu Bellu To Sincaano Njaakir, Soh Abu Demmba Aamadu, Sow Bouka Demmba, Soh Bouka Hammadi To Deychrak ; ko e ɓeeɗo ƴoogɗen ko fayti e ngaynaaka e ganndal nayi

Sifaaji tuugniiɗi e Lare woni goobu e Luwe woni gallaaɗi nayi

Lare Nayi

-          Raneewe

-          Woɗeewe

-          Oole

-          Ɓaleewe

-          Wuunaawe

-          Wuunaawe Sayeewe

-          Wuunaawe Oole

-          Wuunaawe Ɓaleewe

-          Wuunaawe Saaje

-          Woɗeewe

-          Saaje Woɗeewe

-          Fure Lellaawe

-          Saaje Lellaawe

-          Raneewe

-          Raneewe Kaaleewe

-          Raneewe siiwe

-          Siiwe

-          Siiwe Ɓaleewe

-          Siiwe woɗeewe

-          Siiwe Banngaweewe

-          Siiwe huuseewe

-          Siiwe Ire

-          Ɓaleewe

-          Saaje Ɓaleewe

-          Yuume

-          Yuume Ɓaleewe

-          Yuume Jaaneewe

-          Todde

-          Todde Ɓaleewe

-          Todde raneewe

-          Todde Ire

-          Ŋinoowe

-          Bareewe

-          Sule Woɗeewe

-          Fure

-          Fure raneewe

-          Ñaawe

-          Wuule

-          Wuule Ɓaleewe

-          Wuule Woɗeewe

-          Wuule Fure

-          Saaje

-          Noore

-          Noore Ɓaleewe

-          Noore Woɗeewe

-          Wuunaawe

-          Wuunaawe Noore

-          Wuunaawe Ɓaleewe

Luwe Nayi

-          Hiɓɓe

-           Mbeereewe

-          Jobole

-          Logguuwe

-          Logguuwe Hootonnde

-          Lette

-          Junngoñiiwaawe

-          Mooroowe

-          Salammbaawe

-          Mbetoowe

-          Ajje

-          Kobe

-          Fadale

-          Moole

-          Farndalle

-          Niiwnotoonge

Ñabbuuli maa Rafiiji Nayi

-          Ŋeƴƴo

-          Bade

-          Jofe

-          Safo Ɓesŋu

-          Kuunoowel

-          Ɗaasi Ɗaamal

-          Kurel

-          Bommpilo

-          Tolsel

Holi ngaari ɓurndi welde halde

Nayi ko kalaldi tan feewnata ɗumen.

Fulɓe ɓuri yiɗde halde ko ngaari ummiindi e nayi newiiɗi, cuɓaaɗi, ɗi elataa, ɗi kawataa, ɗi mbonnataa; fulɓe ɓuraani yiɗde halde ngaari dikkuru.

Ina teska kalali ɗiɗi ɗi yonta gooto keewaani wondude e nder nayi.

Ina moƴƴi halde ngaari ummiindi e nagge mawnge nge ngannduɗa, so a dañii kadi tawa ko ndi lommbiindi hakkundi ñalbi.

Fulɓe njiɗi halde ko ngaari ndeeƴoori e nder nayi.

So ngaari ina waɗi haande haletaaka. Fulɓe njiɗaa halde ngaari ummiindi e nayi gañooji walla ummiiɗi e ɓesŋu.

-          So ngaari kalaldi rewii nagge, ganndirta ko nge jogiinge, so ngaari ndi telliima, nge yiroo haa nge huccita e ngaari he, nge wiya ɗum gite sut.

-          Ngaari kalaldi so ƴeeŋii e nagge, so tawii ko koyngal ñaamal ngal adii jippaade, ko ñale nagge nge jibinta

-          Ngaari kalaldi so ƴeeŋii e nagge, so tawii ko koyngal nanal ngal adii jippaade, ko ngaari nagge nge jibinta

-          Kala nde njiyɗa nagge ina jerminii, noppi magge ina kucciti yeeso, hay so nge wondaani e ɓiyiige, firti ko nge jibinii maa won balɗe 2 maa 3.

Holi no yeñoowe faamirtee

-          Kala nagge nge kumtata ɓiyi mum, doga, daroyoo caggal nayi, walla kadi kala nagge wammboowe laaci mum wonaa yeñoowe, heewi maayde ko e lappol.

-          So fulɓe njibiniranooma, goolyel ngel maayi, so njiɗii ɓirde nagge nge, kuttat goolyel ngel, loowa e nguru he huɗo, mbaɗa e koyɗe he leɗɗe, ha ngel waawa daraade. So tawii nagge nge jibini ko ñalel, ɓiroowo o wujata lamɗam ko e caggal sokkinne o, so tawii ko gayel ko e toyre he, ɓiroowo wujata lamɗam.

-          So a yiyii nayi koyɗe mum en ina ɓawli ina kaayi heen haa yotii kolcaatinel, firti ko lappol majji woɗɗoyii. So dubuuje nayi mbaɗtii yoorde tan, anndu lappol majji woɗɗitii

-          Nagge ceeɗu heyɗa, ɓuri ŋakkude ndiyam;

-          So gool yaawii daraade ko ñalel, so leelii ko gayel.

-          So nagge maa woppii, maa sordinii, maa jibinii nder ladde to gaynaako tawaaka, ko nih nganndirta so tawii nge jibini kon ñalel maa gayel: so tawii dow toyre ɗo ina ɓawli tan ko ngaari nge jibini, so tawii ɓawlaani ko ñale.

-          So durwali maa gooleeji kaarii haa ngumii mbiyetee ko Sukum-Duumeeji

-          Ngaari dikkuru ina heewi wonde nduudoori.

-          So a yiɗii anndude so tawii gool ma ina wondi e ɓesŋu, fooɗ ɗemngal ngal maa yiy ɗaɗi les ɗi ina ñawi, ina maɗi ƴiiƴam, walla uurnoɗa hunuko ko so tawii ina luuɓi dus tan ina wondi e ɓesŋu. So a yiɗii safrude ɓesŋu, a fesat ɗaɗi ɗi, maa Cuma ellewol daande nde; So a suuti ɗaɗol ngol, a wujat haayre lamɗam e nokku ñawɗo o.

Tufle walla ndiyam ɓurɗam moƴƴude e nayi

-          So tawii ko dabbunde, nayi ɓuri yiɗde ko ndiyam ɓunndu feŋru, sabu ina heeewi wulde

-          So tawii ko ceeɗu, nayi ɓuri yiɗde ko ndiyam ɓunndu hawal, sabu ɓuri ɓuuɓde

Nagge damal suudu ɓuri waawde juutde balɗe e nayi, ina wuura haa duuɓi 25.

Nayi bonɗi eeltirtee ko Kaayagol maa Ŋeeŋol maa Dasol

Nayi ɓuri moƴƴude reweede ko e ndunngu. Nagge jibinirta ko lebbi 9 nde gool mum timma.

Nagge so jibini ina foti wutteede haa ƴiiƴam ɓesŋu mum yalta

-          Joŋe ko nagge nge hoyre nayi

-          Mbakkoor ko kalaldi njahdi haa mawni

-          Nduudoori ko kalaldi ndi rewataa e nayi

-          Rajja ko nagge solŋe

-          Tegi Jegel ko kosam njoornaɗam